Lazmi hai dard ka.....

Lazmi hai dard ka aankho mein thahar jaana…

Sadaa dil ki bebaat hi ashqo mein ghul jaana..

Bhala koi yeh kaise yakeen karle…

Chaha jise rab ki tarah, usey hi bhul jaana…

Tapish yeh dil ki ab kahan sukun paayegi…

Isse toh chah hai bas mohhabat ki aag mein jal jaana…

Kapish yeh hotho ki sada sab kah nahi paati…

Yeh aankhe ro toh deti hai magar kuch bhi nahi batatai..

Rota hai yeh mann magar kuch kah nahi paata…

Sathi chahiye aisa jo isko samajh paata…

Aur phir koi aur dil ko kyun nahi bhaata..

Shishakta hai yeh raat bhar magar so nahi paata….

Na khwaabo mein na haqiqat mein…

Nahi uski kahani hai….

Bina uske yeh jeewan adhoori ek kahani hai…

Muskurahat hotho par aur chamakta aankho mein paani hai….

Magar phirbhi yeh zindagi uski hi nishani hai….

Jaane de mujhe….

Zindagi, umr bhar tujhe chahte rahe hum…

Tuney sila kya diya iska…

Dil mein dard aur aankho mein aansu….!!

Maine har lamha tera siddat se intezar kiya…

Badle mein tuney betanha bekarar kiya..!!

Ek woh pal tha jab tu meri zindagi mein aayi thi…

Meri sooni sooni viraan si duniya ko…

Apne pyar ki roshni se sajai thi…!!

Bhulta nahi hai woh waqt…

Jab tu mere saath hua karti thi…

Meri zindagi meri saas…

Mera ehsaas hua karti thi…!!

Ab tadapta hai dil ki tu mere saath nahi hai…

Subah aur sham ka ehsaas nahi hai…!!

Jaan hai ki yeh bhi jaati nahi…

Umra bhar teri yaadein mujhe tadpati rahi…!!

Ab chala hun duniya se vida lekar main…

Toh kyon rokte hai tere zazbaat mujhe tadpakar…!!

Jaane de mujhe nayi duniya mein jaane de…

Teri yaado ke siwa yahan koi saath nahi hai…!!

                             My heart still beats for u my love….!!

                                                                         Miss u…!!                    

Ek Dard...

Meri hansi ke peeche se ek dard jhaankta hai…

Maano meri hansi par woh naachta  hai…

Bheege aankhein sab chhupana chahti hai…

Rukti saanse kuch batana chahti hai….

Kaapti ungliyon ko aaj bhi uska ehsaas hai…

Ek waqt mein mere kaun saath tha…

Uss waqt  main kisika bahut khaas tha…

Ek waqt hai ki mera dard khaas hai….

Tanhayiyan hi tanhayiyan hain  har taraf…

Aur yeh zindagi udaas hai….

In Dhadkano ke saath ek naam kaapta hai…

Meri hansi ke peeche se ek dard jhaankta hai….

Teri Yaad...

Rukte rukte saans yun hi chal jaati hai…

Jaate jaate jaan, teri yaad aa jaati hai…

Aankho ki bhaasha  ya dil ki zubaani…

Yeh chalta jharna hai ya aankho ka paani…

Door talak bas ek gahra sannata hai…

In andheri raaho mein tera chehra nazar aata hai…

Ghulta hai dard jaise kohre ki raat ho…

Khwaabo mein tera chehra jaise chaandni ki baat ho…

Dil hai yeh mera jo sab samajhta hai…

Magar phir bhi na jaane kyu tadapta hai…

Tu aaj bhi mere naam par sharmati hai…

Mujhe khwaabo mein milkar bas tu muskaati hai…

Meri tarah tu bhi jab sham se dhal jaati hai…

Tu meri yaad mein kyu apna din ganwati hai…

Kahne ko door hai tu mujhse aiye dil….

Magar teri saans mujhe chhu kar jati hai….

Bhul chuke hain tujhko woh dil se aiye ‘Shubham’…

Toh humko teri yaad har pal kyu aati hai…..

Intezaar-II

Aaj yaadon mein bas mere hibab ka rang hai..
Yeh aankhe bas usi raah par adi hai..
Aiye dil dhadak tu zara aaj tham tham kar…
Aaj woh aayengi yeh mujhko yakeen hai….
Na chaahu main aaj koi bhi sapna…
Nahi hai tujh bin mera koi bhi apna....
Samajh iss baat ko aur mujhe apna bana le..
Nahi to shaan se mujhko tu sula de…
Sab kahte hai tum bhul gaye ho humko….
Phir bhi marhoom hai yeh dil.. tera intezaar krte krte….
Aa jao ki bas ab thum rahi hai saanse….
Tere intezaar mein ruk ruk ke jhaap rahi hai aankhe…
Ya khuda kuch toh karam kar ki woh aa jaye…
Nahi to tu hi aakar, mujhe apna bana le….
Teri is matalbi duniya ka mujhe shaukh nahi…
Uske bin jeene ka mujhe koi shaukh nahi….
Woh aayegi zaroor yeh dekhna sab…
Abhi nahi toh annt mein.. yeh mujhko yakeen hai…

Intezaar...

Karwa rahe hai aaj

Intezaar woh kuch is kadar

Jaise pyasi dharti ko ho

Barish ka intezaar …..

Sab shant hai unki khanak sunnay ko

Aur woh hai ki aati hi nahi

Aankhen hai stabdh bas ek rah par

Ab to sanse bhi shor karti nahi….

Hawa mein bas ek hi mahek bikhri hai

Is dil mein bas ek hi sawal hai

Kahan hai woh! Kab aayegi?

Ek bar aa jaye samne

To intezar khatam ho

Is jism mein tazagi aur

Rooh mein jaan aa jaye

Ab nahi hota intezaar

Bahut kiya bardasht

Aiye meri takdir ab to unse mila de

Dekh to zara ek baar….

Mere saath yeh saari fiza bhi

Unki deedar ki hasrat mein ruki hai

Kahin ruk na jaye saanse bhi

Use sochte sochte.

Hasrat hai ki aa jaye samne woh

Mere khwab se nikal ke

Bas kuch meethi yaadon

Aur dher sare pyar ke sath main

Kar raha hoon Intezaar….!

Tujhe main yaad aaunga....

Main zindagi bhar tujhe yaad aaunga..

Saanse bankar tera jeewan bhar saath nibhaunga..

Yeh tujhe paane ka khwaab har pal meri aankho mein chamkega..

Bashar main har shaam teri yaad mein deepak jalaunga...

Tu mujhe chah kar bhi na bhul payegi...

Main tah umra itna pyar bhar jaunga...

Na bhala mujhe tu khushiyon mein yaad karna..

Jab ho jayeingi palke num.. Tujhe main yaad aaunga...

Tu bhul jaa ki tu mujhe kabhi janti thi..

Par jab bhi chhidegi koi saaz..

Tujhe main yaad aaunga….

Tu rehna khush apne yaaron ki mehfil mein..

Par jab bhi tanhai mein tu hogi udaas…

Tujhe main yaad aaunga….

Jab bhi aaiene me dekh tu khud ko sanwaara karegi..

Tujhe main teri aankho se nihara karunga..

Woh teri galo ki laali mein khud ko tarasha karunga..

Jab tu sharma kar aanchal se apna muh chupati..

Kuch kah na paati par meri kami ko aankho ki jal dhar batati..

Main tab bhi tadapkar tujhe yaad aaunga..

Tera har pal, teri har dhadkan mujhe pukaregi..

Par afsos main lautkar na aa paunga..

Meri zindagi main tujhe tah zindagi na bhul paunga...

Main tujhe bahut yaad aaunga...

Saath..

In raato ki thandak mein ..

Dil ik hook si bharta hai…

Sab toh mauzood hai mujhme…

Jaane phir kiske liye dhalta hai…

Chalte hain akele hi in raaho par…

Par ek saath sa mehsoos hota hai…

Sab shant rehte hai aur yeh..

Dil kisi ki yaad mein jalta hai….

Khuli aankho se kuchh nahi dikhta..

In soonsan mein bhi saath rehta hai …!

Yeh ajeeb sa kya hota hai..

Ek meethi mehak si saath rehti hai…

Har pal baahein kisi ka ehsaas  karti hai…

Saanse kisi ki mauzudgi bayan karti hai…

Maine toh socha bhi nahi tha kabhi …

Koi mere zindagi mein aise aa jayega..

Woh door rehkar bhi mujhse…

Har pal apna ehsaas saath chhod jayega…

Hoon main ehsaanmund us khuda ka…

Ki usne mujhe aap se mila diya…

Aur itna pyaara saathi ka saath…

Jisne mujhe jeena sikha diya….

Doorie...

Kabhi toh meri aankho se aansu banker bah jaate ho…

Kabhi toh chehre par ban khushiyan..

 saara pal khush kar jaate ho…

Ruksat hote palko se jab tum ojhal ho jaate ho…

Sanse maano thamne lagti, nabze bhi jam jaati ho…

Tom ho toh har pal khushiyan…

Nahi toh tanhai tadpaane ko…

Roz thaharkar mujhse puche, koi aaj nahi batiyane ko…

Par phir bhi khush, har pal khush hun..

Teri baahon mein dum pane ko..

Bas yahi fakat ek khwaab hai saathi…

Bas tujhse yaadien bhar jaane do…

Mera jeewan mera har din…

Unse mujhe sajane do…

Bas yahi fakat ek khwab hai saki…

Nasha sahar par chhane do….

KHAYAAL...

Aaj bhi soona hai mera aashiyana tere bagair...

Tu aaj bhi shamil hai in hawao mein sab jagah..

Hawaein rukhh ko chhukar jaye,

 woh ehsaas tumhara dilati hai...

Aur dekhu jo us chand ko to yaad tumhari aati hai..

Is raat ki sharsarahat mein teri muskurahat yaad aati hai...

Teri woh bholi aankhein mujhe raat bhar jagati hai..

Har ek chhoti si khusi par tujhe saath sochu..

Aur chalke jo aansu teri yaad mein to use kaise ponchu..

Yeh kya hai, yeh kyu hai jo haal hai mera..

Ab to nahi aata kisiko khayal bhi mera...

Mohabbat ki aseeri......

Mohabbat ki aseeri se nakal karke tujhe paana….

Yeh aur baat hai ki itna asan nahi tujhe bhul jaana…

Hume kyun dekhte ho aise, wadiyon sartaaz ho tum…

Kya farq padta hai tumpar mera yahn se chale jaana….

Kabhi khud se kabhi in wadiyon se…

Jab haal  poonchoge mera…

Siskiya na le paaoge aur tabhi…

Chupke se yeh mera teri ankho se chhalak jaana….

Mohaabat ki aseeri se nakal karke tujhe paana….

Mere Jaise Zindagi....

Mere jaise zindagi tujhko bhi satati toh hogi..

Baithe – baithe yun hi tum bhi muskurati toh hogi…

Daanto mein ungli daba tu mujhe sochti toh hogi…

Akele mein tu bhi meri yaado mein khoti toh hogi…

Jis tarah tanhaiyan mujhe rulati hain…

Khamoshi mein tu bhi yun roti toh hogi…

Marassam si shaamein, yeh ghar-o-deewar..

Tujhe dhundte hain meri aankho mein…

Meri yaadon mein palke tum bhi bhigoti toh hogi….

Nahi jaanta magar kaise bhi, Tujhe paana hai…

Apne tanhayiyon ke khwaab ko haqiqat banana hai…

Yeh baatein tumko bhi toh chhu jaati hogi…

Laakh dikhao duniyan ko ki tum bahut vyast ho, magar…

Apne apno mein thodi si jagah mujhe bhi deti toh hogi…

Aur dekh lena ek din jab yeh aankhein band ho jaayengi  ‘Shubham’…

Mere badan se tere naam ki khusboo aati toh hogi…..

Chehra…..

Ek shaant sa muskurata chehra…
Kabhi tha woh jhilmilata chehra…

Na thi khabar ki woh….

Humari zindagi ka hoga musafir…

Humari zindagi ka woh sabse raazdaar chehra…

Meri khushiyon mein hansta hai…

Rota hai udaasi mein…

Mere humraaz ka chehra…

Mere intezaar ka chehra…

Muskuraye woh toh, sharmaye kaazal…

Ho jaaye chup toh ghabraaye baadal…

Aankho ki harkat par phulon ka itrana…

Hotho ko dekh kaliyon ka khil jaana…

Sharmaaye toh daalo ka jhuk jaana…

Deewangi se bhara woh paak chehra…

Meri zindagi ka woh sabse yaadgar chehra…

Kalam ki deewangi….

Aiye kalam teri deewangi par shaq hota hai…

Kabhi tu uske toh kabhi mere saath hota hai…

Kabhi karta hai taarifey tu uski khubsurti ki…

Kabhi toh meri badsurti par thahake lagata hai…

Jo woh hans de toh maano phool jharte ho…

Meri hansi mein tujhko kaanto ka dard satata hai…

Karein who dil de mere khel toh woh ada hai…

Aur mere mazak ko bhi tu sitam batlata hai…

Mohabbat ki aag mein duniya jalti rahi yun hi…

Tadapte aashiqo ki bastiyan basti rahi yun hi…

Magar ek baar bhi na dekha jo usne toh woh haya hai….

Mere pal-pal ke marne ko tu dhokha batata hai….

Aiye kalam teri deewangi par shaq hota hai…

Khoj....

Log na jaane kyu hume ek majaak samajhte hain….

Humari hasi ko woh apna waqt guzaar samajhte hain….

Nahi jaante ki woh bhi humse kuch aisa hi karte thay…

Tabhi toh aaj woh humare bas khwaabo mein baste hain….

Yeh waqt har zakhm ko bhar deta hai magar….

Tah umra uski chot ke nishan rehte hain….

Basti ki basti ujad jaati hai tez tufaano mein…

Magar uske nishaan mein woh makaan rehte hain…

Kabhi jab aankh se girte hain be rok aansu….

Hotho par kapish magar dil mein armaan jalte hain…

Samjhaye koi inko ki hum nahi unke kaayal….

Joh har jagah log mere naam se uska naam badalte hai….

Kabhi tanhaiyan, kabhi rushwayiyan..

Kabhi khushiyan rulati hain…..

Chaahte hain woh humesha khush rahu main…

Inhe kya hum koi bhagwaan lagte hian….

Jahan dekho logo ko bas hume ek jalan se dekhte hain..

Nahi malum ki mehfilo mein kyu aise log rehte hain…

Chalo “Shubham” hum ab naye shaher mein chalte hain..

Jahan Mohabbat ke naam par kuch log baste hain….

Log na jaane kyu  hume ek majaak samajhte hain...

Zindagi...

Jo tumse na milte

Toh hum kaha hote….

Na khushiyon ki keemat

Phir yeh jashnn kaha hote….

Na khwaabo me milti kisi ko panaah

Na yaadein kisi ki muskurati mujhe..

Main hota kahan.

Yeh khud bhi nahi jaanta

Ho jaata andhere mein

Bus gumm kahin

Tum ho to jeewan mein

Ek lakshya saath hai…

Nahi to koi thahrao laata nahi…

Seekhi hai dil ne kisi ki kadar..

Pahle to na tha hosh

Aur na hi thi khud ki fhikar..

Kabhi kabhi phir yeh sochta hun…

Hakikat hai ya koi khwaab hai zindagi…

Agar hota hai pyaara itna

Saath zindagi mein kisi ka

Toh yahi tohfa mujhe khuda

Har janam mein mile……

Kaash yeh duniya har ehsaas ko samajh sakti

Kash yeh duniya har ehsaas ko samajh sakti…

Hothon par hasi ke mayne samajh sakti….

Labo pe kapish ki yeh baatein samajh sakti..

Chahakti aankho ki bhi peeda samajh sakti…

Behte ashqo ki yeh surat samajh sakti…

Apne jo tanhaiyon mein jeena sikha dete hai…

Yeh unke armaano ki niyat samajh sakti…

Isi duniya ne apno ko thukraya hai yun hi…

Un becharo ko bhi isi ne apnaya hai yun hi…

Kudrat bhi khelti hai khel aankh micholi ka…

Yeh ishwar ke farmano ki seerat samajh sakti…

Main roya lipatkar use, sab haal kah diya…

Kaash woh hi mere dil ki gehrai samajh sakti….

chaand...

aiye taaro tumhe kaliyon ke tabassum ki kasam..
oas ki boond par suraj ki gawahi lena...
mere mehboob ke chehre ki chamak kuch kam hai...
yeh chaand nikle toh zara uski talashi lena...